الخميس، 14 يوليو 2011

معنى الأخوه

اأجمل احساس فى الدنيا انك تحسن ان فى قلوب بجد بتحبك مش لاى حاجه غير لله وتكون فعلا بتخاف عليك.ولما تبعد عنهم تحس انك مش قادر على الفراق.تفتكرهم من غير معاد للانك بتحبهم من قلبك بجد.ولما تحب تاخد قرار صعب دايما أول حد تفكر فيه علشان يشاركك يكونوا هما.من غيرهم فعلا الحياه ميكنش لها اى طعم.

أكتر حد هيحس بكلامى دوت اللى فارق اصحاب له فى الكليه أصحاب ميجمعهوش بيهم غير الحب فى الله.

بجد انا حزينه جدا على فراق أحلى اصحاب عرفتهم فى حياتى.للاسف خلاصوا دراسه وهيسبونا وكمان هيسبونا حمل الكليه أمانه فى رقبتنا يارب بس اننا نكون على قدر هذه المسؤليه.

انا مش عارفه ازاى انى هروح الكليه وهما مش هيكونوا فيها.

الأربعاء، 1 يونيو 2011

هو ايه اللى بيحصلدا؟؟ الناس كانت خايفه ان الاخوان ينزلوا بأغلبية فى مجلس الشعب وبينزلوا للرائسة وكدا. جه الاخوان ودى كانت نيه مبيته وقالوا احنا مش هنزل فى  الرائسة ومش هندخل بأغلبيه فى مجلش الشعب لان فى دلوقت مينفعش ان فصيل يستأثر بالحياة السياسية راح الناس قالوا هم يعنى الاخوان بيتكبروا علينا وفيها ايه لما ينزلوا بأغلبيه ويجوا بإرادة الشعب
ولما الدكتور عبدالمنعم أبو الفتوح قال انه هيترشح للرائسه والاخوان قالوا انهم لن يدعموه الناس قالوا طب وفيها ايه يعنى لما ينزل للرائسه.
يا سبحان الله...................
انا شايفه ان الاخوان منتقدين منتقدين لا لشئ إلا لمجرد النقد
دا لو الاخوان قاللهم احنا هنريحكم وراحوا موتوا نفسهم هيقولوا  كفره موتوا نفسهم

الخميس، 17 مارس 2011

طب والحل

المفروض اننا لنا مطالب احنا كطلاب أتفقنا عليها واخترنا من كل دفعة 2 يمثلوها فى الكلام وكانت مطالبنا واضحة ومحددة واجتمعنا النهاردة فعلا مع الدكتور العميد والوكيل وبعض الاساتذة الاخرين وكنا بنعرض مطالبنا وهما يردوا علينا وطبعا هما بيعملوا اية يردوا على اللى على مزاجهم واللى مش على مزاجهم عادى ولا كأنة اتسمع دا أولا واللى يوافق علية يقولنا أنا هقرر الكلام دا فى مجلس الكلية الجاى طب ماشى يا دكتور هو اصلا مجلس الكلية الجاى أمتى وكانت الصدمة الكبرى أن اصلا مجلس الكلية المفروض يجتمع تانى ثلاثاء الشهر القادم......................يا فرحتى
قولنا طب يا دكتور احنا بنطالب بإجتماع عاجل لمجلس الكلية يقول إية انتو مش هتجبرونا اننا نعمل إجتماع عاجل
طب يعنى احنا نعمل أية بس؟؟؟؟؟ فى ناس كانت بتقول نعمل اعتصام مفتوح من أول يوم الأحد بس أنا محتارة احنا كدا دخلنا فى نطاق الثورة المضادة مش مستريحة للموضوع بصراحة بس خلاص الطلبة عايزين اعتصام والاعتصام يوم الأحد اللى هوا هيكون أول يوم فى فتح باب الترشيح لإنتخابات الاتحاد.......................
هوا اية اللى بيحصل؟؟؟؟؟؟؟؟؟؟؟؟
حد يقدر يقولى....... خايفة دا  يكون لعب علينا علشان الطلبة يعدى عليها مضوع الاتحاد دا وفى نفس الوقت طب ما احنا عايزين حقنا ومش قادرين نوصله والاعتصام وسيلة مشروع طب احنا كدا بنبوظ الدنيا ونعمل ربكة فى البلد أنا مش عارفة وبحاول أفكر بصوت عالى يمكن أعرف أعمل اية.......اللى محيرنى كمان أن العميد حتى ما  حاولش يقولنا لما الطلبة قالت اعتصام لأ بلاش اعتصام ونتفاهم أو أى حاجة
يعنى دا التفاف علينا مثلا ولا بيقولنا اخبطوا راسكوا فى الحيط ولا اية 

الاثنين، 7 مارس 2011

 أخير ولأول مرة الواحد يحس انى فى حاجة مفيدة بتتعمل فى الكلية دى الحمد الله نزلنا حملات نضافة فى المجمع كلة وكل واحد اشتغل فى كليتة والشغل كان جميل وتمام والحمد الله نضفنا الكلية كلها تقريبا أرضية وشبابيك وكل حاجة فيها وكمان الشباب دلوقت وبعد انسحاب الحرس الجامعى من أمبارح نزلوا وباتوا فى الكلية عشان يحموها


بس انا اكتشفت حاجة وكنت حسة بيها من أول يوم اشتغل فية ومش أنا لوحدى اللى كنت حاسة بكد                                                                   أكتشفت أن الإتحاد بيحاول يلعب لعبة علينا  
هما زى الشطار بينزلوا معانا النتضيف  بس شوية بيحاولوا يتزعموا الموضوع بصفتهم هما الولاد واحنا البنات طبعا 
احنا طبعا مكناش نعرفهم اصلا هما يعنى يادوب ساعت الحفلات واول يوم فى الدراسة بيكونوا  وموجدين وبس...................
بعد كدا مين اتحاد الطلبة ؟؟؟؟؟.......................الله اعلم
المهم انهم دلوقت بيحاولو انهم يقولوا اتحاد الطلبة دا كان وحش ومش بيعملنا أى حاجة والكلام دا وطبعا دا كله رسم منهم علشان ينزلوا تانى والامور تفضل كما كانت علية

وكأن اللى بيحصل هو هو فى المجتمع الكبير والمجتمع الصغير الحزب الوطنى فى المجتمع الكبير بيحاول يجمع نفسة تانى  بكل بجاحة ........والطلبة بتوع الإتحاد فى الكليات بيحاولوا يجمعوا نفسهم تانى بردوا 
هى سياية واحدة سياية عدم الاعتراف بالاخر.......سياسة انك لازم يكون ليك كل شئ وحتى لو مش من حقك
               
ومع احترامى للناس المحترمة اللى كانت فى الإتحاد وأكيد كان فى ناس محترمة بس الساكت عن الحق.................. وبردوا مع احترامى للدور اللى هما بيقوموا بيه حاليا بصرف النظر بقى عن نواياهم لانهم بردوا بيشاركوا

السبت، 5 فبراير 2011

                                                               بسم الله الرحمن الرحيم

                                             من العجيب ان يدافع الناس عن من قتل ونهب وسلب 

                                             ويتوجهون بالاتهامات لمن هم يدافعون عن الوطن 

                                                        لمن هم لا يرضون بالذل والهوان 

                                                  لمن هم لا يقبلوا ان يتنازلوا عن دم اخوانهم

                                                   اتعجب لهؤلاء الذين يقولون احترام الكبير

                                                    اذا كان كذلك فأين العطف على الصغير

                                              الا يدرون انهم سيحاسبون على ما يقولوا امام الله

                                    هؤلاء الشباب الذين خرجوا من بيوتهم وهم يعلمون ان حياتهم مهدده

                                                          هم عملاء.......قله مندسه

                                      اذا فليقولوا ما يقولوا ولكن ليعلم الجميع ان الله يمهل ولا يهمل

                                                            وان الظلم له نهايه

                                     ادعو الله ان يحفظ هؤلاء الشباب لانهم هم خير شباب مصر 

                                                             وان ينصرهم  

الخميس، 2 ديسمبر 2010

امتحانات امتحانات

                           السلام عليكم ورحمة الله وبركاته

 اولا وقبل كل شى احب ان اقول حسبي الله ونعم الوكيل فى كل ظالم
واذكر باننا لن نتخلى عن فكرتنا ولن نترك بلدنا مهما حدث لنا


اما حديثى فهو عما حدث لى فى امتحان الامس

انا والحمد الله كان عندى امتحان وراثة امبارح(امتحان شيت)

لم يحدث لى مثل ما حدث فى هذا الامتحان

الدكتور ربنا يكرمه كان عارض الامتحان على الشاشه

وبيعرض خمس اسئلة بخمس اسئله

احنا نكون لسه بنحل فى اول سؤال فى الخمسة

الدكتور يقول خدوا الخمسه اللى بعدهم

يا دكتور لسه مخلصناش ولا الهوا

وهكذا ادانا 25 سؤال

انا والحمد الله مكملتش 15 سؤال

والباقى مشفتوش اصلا ولا اعرف هو كان عن ايه

المشكله اننا مكناش بنكتب الاسئله عشان نلحق نحل

فمكناش عارفين الاسئله اصلا علشان نحلها

والدكتور واقف يشرح حجات علشان يفهمنا

لانه كان جايب اسئله لسه اصلا مخدنهاش

انا بقة سبت ده كله وقعت اضحك فى نص الامتحان

مش عارفه اعمل حاجه

وانا يعينى مهريه مذاكره

مذاكره الماده مرتين

بس وطلعت من الامتحان عماله اضحك

مع العلم انى انا مكنتش كده خاااااااااااالص

بس الدنيا بقى

الغريب ان الدكتور بيقول الم الورق العيال اقلولو لم

وهما مش حالين حاجه اصلا

الاثنين، 15 نوفمبر 2010

السلام عليكم ورحمه الله وبركاته

انا بكتب النهارده وانا هطير من الفرحه

لان بكره انشاء الله اول يوم فى العيد الاضحى المبارك

وهيكون اول يوم انا البس فيه الخمار

بجد حاسه بفرحه غريبه

يارب ثبتنى

مش عارفه اكتب من كتر ما انا فرحانه

يارب يكون بكره يوم جميل

وكل سنه وانتم الى الله اقرب وع طاعته ادوم

اسئلكم الدعاء بالثبات