الخميس، 2 ديسمبر 2010

امتحانات امتحانات

                           السلام عليكم ورحمة الله وبركاته

 اولا وقبل كل شى احب ان اقول حسبي الله ونعم الوكيل فى كل ظالم
واذكر باننا لن نتخلى عن فكرتنا ولن نترك بلدنا مهما حدث لنا


اما حديثى فهو عما حدث لى فى امتحان الامس

انا والحمد الله كان عندى امتحان وراثة امبارح(امتحان شيت)

لم يحدث لى مثل ما حدث فى هذا الامتحان

الدكتور ربنا يكرمه كان عارض الامتحان على الشاشه

وبيعرض خمس اسئلة بخمس اسئله

احنا نكون لسه بنحل فى اول سؤال فى الخمسة

الدكتور يقول خدوا الخمسه اللى بعدهم

يا دكتور لسه مخلصناش ولا الهوا

وهكذا ادانا 25 سؤال

انا والحمد الله مكملتش 15 سؤال

والباقى مشفتوش اصلا ولا اعرف هو كان عن ايه

المشكله اننا مكناش بنكتب الاسئله عشان نلحق نحل

فمكناش عارفين الاسئله اصلا علشان نحلها

والدكتور واقف يشرح حجات علشان يفهمنا

لانه كان جايب اسئله لسه اصلا مخدنهاش

انا بقة سبت ده كله وقعت اضحك فى نص الامتحان

مش عارفه اعمل حاجه

وانا يعينى مهريه مذاكره

مذاكره الماده مرتين

بس وطلعت من الامتحان عماله اضحك

مع العلم انى انا مكنتش كده خاااااااااااالص

بس الدنيا بقى

الغريب ان الدكتور بيقول الم الورق العيال اقلولو لم

وهما مش حالين حاجه اصلا

هناك 12 تعليقًا:

Dr/ walaa salah يقول...

دا طبيعي الدكتور ده ولا ايه

ايه الطريقه الغريبه دي

الله يكون في عونكم

بس كويس انها جت معاكي بضحك

معلشي يا حبيبتي ربنا يصبرك على الدكاتره اللي من النوع ده

ان شاء الله خير

حبيبتي ممكن تشيلي خاصية تدقيق الكلمات في التعليق

بنت مصريه يقول...

اه هو انا لو ربنا مصبرنيش هتهبل فعلا

عباس ابن فرناس يقول...

شى غريب وعجيب فعلاً

طيب هو ايه كان هدفه من كدا

عايز يحطمكم مثلاً

ياخوفى يكون سيكوباتى ولاحاجة

لاحول ولا قوة الابالله

المصوراتي ( عيوني كاميرا ) يقول...

السلام عليكم
فكرتيني بامتحانات الثانيه من 3 سنين
خاصثه الفيزياء رغم حبي الشديد لها الا ان الامتحان كان عجيب وصلت فيه لمرحله من اللامبالاه مش عارف انا مذاكر ماده تانيه و لا انا دخلت غلط ؟؟!

لكن اللي طلع عليه في الامتحان دا الضحك الهستيري
هههههههههههه و مش عارف اوقفه و كنت قاعد جنب الباب سامع اللجان التانيه نفس النظام ضحك بردو


كانت ايام حلوه و ربنا كتب لنا الحمد لله كليه هندسه

و عجبي جدا فكرت المدونه و التصميم الخاص بها
اتمني ان تشرفينا في مدونتنا المتواضعه


تحياتي : المصوراتي ( عيوني كاميرا )

بنت مصريه يقول...

عباس

لا ابدا

هو اصلا هيتصدم لما يشوف الورق

اصل هو كان بيدرس فى اروبا ولسه نازل

على حظنا

بنت مصريه يقول...

المصوراتي

انا فعلا كنت بستغرب ازاى ان حد ميعرفش يحل يروح ضاحك جربت الاحساس ده دلوقت

شكرا لك

أشبال أون لاين يقول...

موضوع جميل ورائع

تحياتي

ويشرفني إني أشوف بصماتك في مدونتي

بنت مصريه يقول...

أشبال أون لاين

جزاك الله خيرا

الشاب الصح يقول...

جزاك الله خيرا على المدونه الجميله و نتمنى دوام التواصل تحياتى لك و يشرفنى اشتراكى فيها

بنت مصريه يقول...

جزانا واياكم

سلسبيل يقول...

أولاً أهلابك فى عالمك التدوين
بجد نورتى مدونتى
ربنا معاكى فى دراستك و خصوصاً
على الدكتور دى
ان شاء الله تدوم المتابعة
تحياتى لك

نور الدرب يقول...

يااااه دا لو علي كده بس كان يبقي حاجة بسيطة
انا افتكر والله وانا في سنة تانية في مادة الكيمياء العضوية
كان زمن الامتحان 3 ساعات والدكتور بيكون عامل حسابه ان الـ3 ساعات يعني 3 ساعات
يعني اللي يفكر يلتفت بس يبقي طار منه ع الاقل نص سؤال
عشان مش هيلحق يحله لان الوقت هيخلص
ومن ضمن الحاجات الظريقة ان دكتور جاب لنا في الفيزياء في امتحان الفينال 25 سؤال وكتب من فوق أجب قدر استطاعتك
كانت شوية مواقف بتحصل في الكلية دي
هيييييييييييه
واله فكرتيني بأيام جميلة
يارب ما يعودها تاني
ههههه
علي فكرة دا كلام من ورا القلب انا كنت بحب كلية علوم جدا
وعشان كدا ناوي اكمل دراستي نحو الماجيستير والدكتوراة ان شاء الله
شدي حيلك يا اختي
وربنا يعينك
وتذكري ان لكل مجتهد نصيب
أخوك
محمد أبووردة
تسعدني زيارتكم وبصمتكم في مدونتي قلم حر
www.freeqalaam.blogspot.com