الاثنين، 7 مارس 2011

 أخير ولأول مرة الواحد يحس انى فى حاجة مفيدة بتتعمل فى الكلية دى الحمد الله نزلنا حملات نضافة فى المجمع كلة وكل واحد اشتغل فى كليتة والشغل كان جميل وتمام والحمد الله نضفنا الكلية كلها تقريبا أرضية وشبابيك وكل حاجة فيها وكمان الشباب دلوقت وبعد انسحاب الحرس الجامعى من أمبارح نزلوا وباتوا فى الكلية عشان يحموها


بس انا اكتشفت حاجة وكنت حسة بيها من أول يوم اشتغل فية ومش أنا لوحدى اللى كنت حاسة بكد                                                                   أكتشفت أن الإتحاد بيحاول يلعب لعبة علينا  
هما زى الشطار بينزلوا معانا النتضيف  بس شوية بيحاولوا يتزعموا الموضوع بصفتهم هما الولاد واحنا البنات طبعا 
احنا طبعا مكناش نعرفهم اصلا هما يعنى يادوب ساعت الحفلات واول يوم فى الدراسة بيكونوا  وموجدين وبس...................
بعد كدا مين اتحاد الطلبة ؟؟؟؟؟.......................الله اعلم
المهم انهم دلوقت بيحاولو انهم يقولوا اتحاد الطلبة دا كان وحش ومش بيعملنا أى حاجة والكلام دا وطبعا دا كله رسم منهم علشان ينزلوا تانى والامور تفضل كما كانت علية

وكأن اللى بيحصل هو هو فى المجتمع الكبير والمجتمع الصغير الحزب الوطنى فى المجتمع الكبير بيحاول يجمع نفسة تانى  بكل بجاحة ........والطلبة بتوع الإتحاد فى الكليات بيحاولوا يجمعوا نفسهم تانى بردوا 
هى سياية واحدة سياية عدم الاعتراف بالاخر.......سياسة انك لازم يكون ليك كل شئ وحتى لو مش من حقك
               
ومع احترامى للناس المحترمة اللى كانت فى الإتحاد وأكيد كان فى ناس محترمة بس الساكت عن الحق.................. وبردوا مع احترامى للدور اللى هما بيقوموا بيه حاليا بصرف النظر بقى عن نواياهم لانهم بردوا بيشاركوا

هناك 6 تعليقات:

جمعاوى يقول...

لازم كل الطلبة تكون مركزة فى النقطة دى بالذات ,,

طلاب الاتحاد المزور ، ح يقدموا إستقالاتهم ، و بعد كده يحاولوا تكوين أرضية تانى و لو حصل إنتخابات يدخلوا و برده يبقى كانك يا أبو زيد ما غزيت ..!

اللى قبل إن يزور إرادة زمايله الطلبة ، و يكون المتحدث عنهم من غير رضاهم لازم يتحاسب على ده

Unknown يقول...

بسم الله وبعد
أبو مجاهد الرنتيسي وأحلام الرنتيسي مروا من هنا وأعجبوا بالموقع
وفقك الله لمل يحب ويرضى
تحياتنا لك

سجل .. أنا مصرية يقول...

ده الطبيعى يا إيمان
اللى بتلاقيه فى المجتمع هتلاقى زيه فى الجامعة

بس المهم مش ان انتو بس تبقوا فاهمين الكلام ده

المهم انكم تحاولو توصلوه للطلبة

بنت مصريه يقول...

جمعاوى
أكيد مركزين وعلشان كدا أمين التحاد السابق قال أنا مش مترشح ودى خطوه جميلة

بنت مصريه يقول...

أحلام الرنتيسى
جزاكى الله خيرا
وبجد أتشرفت بمرورك

بنت مصريه يقول...

سجل أنا مصرية
هو دا اللى احنا فعلا بنحاول اننا نعمله
اننا نوصل للطلبة ونفهمهم