الخميس، 4 نوفمبر، 2010

بسم الله الرحمن الرحيم

كليه العلوم

الدراسه فيها ازاى؟

عندنا الكليه من سنه اولى كده عباره 3 اقسام

أولا بيولوجى ودا القسم بتاعى 

ثانيا جولوجيا

والقسمين دول اللى يدخلهم لازم يكون كان علمى علوم ايام الثانويه

وبعد كده اخر قسم هو علوم طبعيه وطبعا لازم اللى يدخله يكون كان رياضه

بما انى انا فى بيولوجى

فقسم البيولوجى ده بناخد فيه طبيعه وكمياء وZOOLOGY (حيوان) وBOTANY (نبات)و رياضه

دا غير المواد الاضافيه

الكلام ده بيكون فى أولى وتانيه

وبعد كده فى تالته بيكون فى تخصصات تانى

BIO اللى هو كميا حيوى

وادعولى انى ادخله

وMICRO

وBOTANY

و ZOOLOGY

وحشرات

بس هى ده اقساه شعبتى

المشكله عندنا بقى فى كميه المعلومات الهائله اللى احنا بناخدها

يعنى مثلا انا عندى الترم ده الحيوان عباره عن 5 فروع كل فرع بدكتور

كأنهم خمس مواد يعنى 

بيكون بقى مطلوب منى انى اخلص الخمس فروع دول فى يوم ونص قبل الامتحان 

ازاى!! العلم عند الله

وكفايه كده بقى

ونرجو الدعاء لانى  عندى 5 امتحنات بس  الاسبوع الجاى 


هناك 10 تعليقات:

عباس ابن فرناس يقول...

رب يوفقك ونشوفك حاجة كبيره
بس المهم انك تكونى بتحبى اللى بتدرسيه
تحياتى

نور الدرب يقول...

يااااااااااااااه
فكرتيني بالأيام الحلوة يا اختي والله
نفسي ايام الجامعة وكليتي الحبيبة كلية العلوم ترجع تاني
وحشتني اوي الايام دي
وعلي فكرة كلية العلوم مش صعبة ولا حاجة بل بالعكس الدراسة فيها ممتعة جدا
وخصوصا مادة الحيوان اللي كنت بحبها جدا بكل فروعها عشان كدا دخلت القسم دا خصيصا من كتر حبي للمادة دي
وبمناسبة قسم البيو انا من خلال واقع العمل لقيت فعلا ان قسم ميكرو وكيمياء افضل الاقسام في كلية العلوم
عموما يا اختي ربنا يوفقك يارب
وتقدري تحققي اللي انتي عايزاه
تقبلي مروري
اخوكي
نور الدرب
صاحب مدونة قلم حر
www.freeqalaam.blogspot.com
اتمني اضافة مدونتي في قائمة مدوناتك

بنت مصريه يقول...

عباس بن فرناس
الحمد الله انا بحب دراستى جدا جدا
ونفسى انها تكون فى خدمت دينى ووطنى
شكر ع المرور

بنت مصريه يقول...

نور الدرب
هى فعلا الدراسه ممتعه جدا
بس ده بالنسبه للى يحبها
اما اللى هيفضل أفش منا هيكرها احلى كره

جمعاوى يقول...

يوم و نص كتير


إنتوا ح تنهبوا


:)

جايدا العزيزي يقول...

فكرتينى بايام المزكرة والسهر

ربنا يوفقك دايما يا قلبى

وتحصلى على اعلى الشهادات

سعيده بزيارتك

وعيد سعيد عليكى

تحياتى

eng_semsem يقول...

شدي حيلك مفيش حاجه دلوقتي سهله وبعدين انت قدها واحنا عارفين ما تحاوليش تداري مش هنحسد احنا هندعي ربنا ان يوفقك وتستفيدي وتفيدي البلد والمسلمين

بنت مصريه يقول...

جمعاوى
لا ده العادى بتاع كليتى

بنت مصريه يقول...

جيادا العزيزى
انا اسعد

بنت مصريه يقول...

eng_semsem
هههههه
طب يارب اكون فعلا قدها